فى مرة الرب كلمنى .. وقالى لما تشوف ضعفات فى غيرك .. اعرف ان امتحانك ابتدى .. !! لان قلبك ها يظهر ما فيه قدامك بوضوح .. لو انت خوفت وتألمت من اجل اخوك .. وصليت ونوحت وصومت من اجله .. وكتمت الحديث عنه لغيرك .. ها كون ببارك قلبك وبفيض عليه بإكرامى ومشاعرى .. انت شريكى فى ملكوتى .. ولو انت بصيت له بكبرياء جواك وكأنك الافضل .. ورفضت تصلى وتنوح وتحزن من اجله .. وكلمت غيرك عنه لتعريته .. ها كون ضدك حتى لو كنت فى الظاهر فى كرمى .. ها تعيش فى ملكوتك مش فى ملكوتى .. لان ملكوتى ما فيهوش متكبرين .. !! من ساعتها وانا بحاسب جدا لو شوفت ضعف حد .. لان كدة امتحانى بدأ .. وبتوب لو ما إلتزمتش بكدة .. لان ملكوت الرب ما فيهوش متكبرين .. امين .. 🙏🙏 .. طيب لو حصل كدة اتوب ازاي ؟

  امسك النص الكتابي اللي بيتكلم عن الفريسي و العشار .. و العبد اللذي لم يغفر لصاحبه .. و القذى و الخشبة .. و غفران الرب في الصلاة الربانية .. و اجلس صلي بالحق ده و الرب ها يتوب قلبك و ها يتلف نير الانتقاد من اعماقك .. الرب دائما يدعم المحتاجين من القلب ..

تعليقات

إرسال تعليق

المقالات الشائعة في هذه الصفحة ..

ممكن اعرف ازاى اشوف رؤى واحلام ؟

صورة
 الاحلام والرؤى هي عطايا من روح الرب الساكن في اعماقنا منذ قبولنا لخلاص المسيح .. ولذلك هي تحت إدارة روح الرب .. وممكن انه يحركها في اي مرحلة من عمرنا او دعوتنا او خدمتنا او لكشف امور محددة .. وممكن ما يحتاجش يعمل كدة ويظهر امور اخرى من قدراته .. كالايمان او التضرعات او انواع خدمات داخل جسد المسيح اي الكنيسة .. لكني بفضل ان الشخص يصوم اوقات من اجل الجزء ده .. لان الروح مرات بيزيل عوائق وبيفتح الرؤى اثناء الصوم والعبادة ومرات تانية بيظهر امور مختلفة من عطاياه والشخص بيميز ان دعوته في الامور الاخرى ..  الصوم والصلاة وكلمة الرب .. هم اكتر عوامل تفتح لروح الرب حرية اظهار عجائبه ..
قراءة المزيد

I don't know why I'm always sad and stressed??انا مش عارفة انا ليه دايماً حزينة ومضغوطة ؟!!

صورة
  الجزء ده في اسباب كتير .. وصعب يترد عليه بشكل وافي في تعليق .. لكني شايف ان إلتصاقنا بشكل واضح بالرب .. سواء بقراءة كلمته بفهم والصلاة بها او بالتواجد ضمن جسد روحي اي جماعة مؤمنين حقيقية تختبر تغيير مستمر في أعماقها امام الرب و صوم كل فترة بتكريس الوقت للرب .. يساهم في كسر قيود الحزن او نشاط العدو لإتلاف الفرح والسلام الذي مصدره الرب .. و أيضاً يتيح المساحة لروح الرب لقيادتنا للانفصال عن امور محزنة له او التحرك في الاحداث ليقودنا الى ما هو صالح لشفاء نفوسنا ..
قراءة المزيد

اخي محب عايزة اسأل عن لون بالكتاب ..لون الفضي بيرمز لأيه في الكتاب المقدس وهل بيجوز يكون لون راية لما يكون وقت تسبيح يُحمل ويرفع بوقت العبادة . ؟؟.

صورة
    الفضة قبِلها الرب ان تكون طريقة لتعويض شعب اسرائيل عن فترات السبي ضعيفة الاجر في مصر .. الخروج ٣ : ٢٢ بَلْ تَطْلُبُ كُلُّ امْرَأَةٍ مِنْ جَارَتِهَا وَمِنْ نَزِيلَةِ بَيْتِهَا أَمْتِعَةَ فِضَّةٍ وَأَمْتِعَةَ ذَهَبٍ وَثِيَابًا، وَتَضَعُونَهَا عَلَى بَنِيكُمْ وَبَنَاتِكُمْ. فَتسْلِبُونَ الْمِصْرِيِّينَ". الخروج ١١ : ٢ تَكَلَّمْ فِي مَسَامِعِ الشَّعْبِ أَنْ يَطْلُبَ كُلُّ رَجُل مِنْ صَاحِبِهِ، وَكُلُّ امْرَأَةٍ مِنْ صَاحِبَتِهَا أَمْتِعَةَ فِضَّةٍ وَأَمْتِعَةَ ذَهَبٍ".  --------------------------------  فهي اظهار لتعويض الرب بشكل عادل .. و قضاءه بعد ازمنة ظلم كثيرة  --------------------------------  تعويض أيضاً عن خطأ او اهمال من انسان لإنسان داخل شعب اسرائيل الخروج ٢١ : ٣٢ إِنْ نَطَحَ الثَّوْرُ عَبْدًا أَوْ أَمَةً، يُعْطِي سَيِّدَهُ ثَلاَثِينَ شَاقِلَ فِضَّةٍ، وَالثَّوْرُ يُرْجَمُ. الخروج ٢١ : ٣٤ فَصَاحِبُ الْبِئْرِ يُعَوِّضُ وَيَرُدُّ فِضَّةً لِصَاحِبِهِ، وَالْمَيْتُ يَكُونُ لَهُ.  -------------------------------- و هي اظهار لتعويض الرب لشعبه ع...
قراءة المزيد

سؤال لو سمحت اخي : انا بعرف و بآمن ان التجربة من الشرير وليست من الله حتى بآمن انه صالح جدا وانه لايسمح بالشر او بالتجربة كما يقال لكن مامعنى الموجود في ايوب 1+ 2 بسماح الله للشيطان بتجربة ايوب ولكن تحت سلطانه ومامعنى الآية " انك هيجتني عليه لاهلكه من غير داع" ؟ كتير بينحط اشارات استفهام براسي وقت بقرا هالآيات. بتمنى يكون عندك الوقت لتجاوبني والرب يحفظك.

صورة
   "هيجتني عليه " .. ده وصف بلغة الافعال البشرية ..   و ده لان المشاعر المتأثرة بالكذب هي سمة البشر ..   فالوصف لكي يفهمه القاريء ..  لكن الرب إله .. و ليس مثل البشر الخاضعون للتشويش .. ف هو يرى الحقيقية بشكل واضح لانه حق مطلق ..    و لذلك لا يحركه الشر ابداً لانه غير قابل للانخداع .. اما قصة ايوب فهي تؤكد ان ضعفات البشر تجعل ابليس طامع في سحقهم .. لكن الرب يهزمه ويحول الشر للخير ..
قراءة المزيد

عايز اسئل سؤال مهم جدا ممكن مع كل التنباءات الروحية بقوة وسلطان الروح القدس وحدت نفسي وغيري كثيييييييييييرين جدا لن يتم شئ علي ارض الواقع فى حياتنا وبداءات التسؤالات تطرح نفسها من عدم تدخل او تغير فى واقع واني ابن الرب واؤمن بقوة سلطان الرب ولكن الواقع مختلف تمام اكاد ان ابداء فى ظن نفسي فى اشياء وارجع عنها واخضع للرب وانادى علي الرب بكلمتة واسئل اين الرب فى كل هذا بعيدااااااااااااااااااااااا عن كل صلي او تنباءات بالروح وانا اعلن ان مصدق الروح القدس وهذا ايماني لا ريب فية ولكن اين واين واين ممكن الاجابة تبعد عن الوعظ والفلسفة وتنباءات ممكن حد يقولي واقع حقيقي فى حياتنا

اولا .. مصدر التنبؤات مين .. هل اشخاص فعلا خاضعين لروح الرب ولا اشخاص او اجتماعات معتادين يقولوا كلام مستمر اعلانات لكل حد يقابلهم .. و دي بتبقى مصيبة يا عرافة يا لعب على المشاعر ..  ثانياً .. ممكن حضرتك تخطىء في تفسير اللي اتقال ليك .. وتصيغه على امور .. الرب ما اتكلمش عنها ولا ها يعملها ..  ثالثا .. ممكن الرب يتكلم .. وتبقى فيه حرب رهيبة ضدك علشان تبعد وما يتمش الكلام ده ..  رابعا .. ممكن يتم بعد فترة طويلة من استقبالك و ده زمن الرب مش بإختيارك ..  و في اكيد تفاصيل اكثر ..
قراءة المزيد