" يا ترى انا بعمل اعمال الرب و لا بعمل اعمال الشياطين ؟! " ده سؤال ممتاز و معتقدش ليه اجابه ، و اي اجابه هتكون ليها مبررات كتيره و علاقه بمشاعر الشخص نفسه، كنت بسال نفسي ، هل فعل أي عمل باسم الرب يسوع ينفع الرب يقدسه حتي لو وراه نقص و دوافع غلط لمحدوديتنا و بشريتنا؟

 هو فعلاً سؤال صعب جداً لكني بسأله علشان اخضع للروح والحق اكتر .. و مع ذلك ممكن مرات نكتشف بعد وقت من الخضوع ان فيه عمق اكتر و ان اللي فات ما كانش كله للرب .. 

اعتقد حياتنا مع الرب هي رحلة اكتشاف الحقيقية اللي جواه هو .. و كل عمق ها نكتشف ان كان فيه جزء من الزيف و الذات موجودين   .. 

ايوة اكيد الرب رغم رؤيته للحقيقة كاملة .. لكنه بيقدس اعمال كتير و بيشاركنا في مجده  .. و هو عارف اننا في رحلة تنقية و تقديس .. 

لكن اكيد فيه اشخاص فعلاً مش طالبينه نهائيا من قلوبهم  .. و هؤلاء هو لا يقدس أعمالهم حتى لو شكلها الخارجي منتمي له ..