Elohiym Image .. اسئلة شائعة ..

  أيوة ممكن تدخلي حرب بسبب اشفاق على حد  أو عدم فحص أمام الرب و يكون فخ مستهلك للوقت واحيانا باب لعثرات وللدخول في قصص مستهلكة بطرق مختلفة .. الخضوع للرب وقيادة روحه من كلمته يحمينا من الاستهلاك .. وقريب ها شرح اكتر .. ممكن شراكة مع خادم دعوته يصلي في اتجاه معين  وانا مش واخد نفس الدعوة يتسبب في سلب وقت ومجهود من حياتي ..   أيوة بيمشي بدماغه و دي اكبر مصيبة لان لو الروح مش مشاور .. يبقى الشخص مش في ضمانات الرب .. ممكن بقى يدخل في شهوة مع حد أو في حزن واكتئاب أو في مشاكل في حياته .. الرب ارجل اتقاؤه يحرص يعني اللي طالبينه و منتظرينه بخضوع مش مندفعين في حروب حتى لو بإسمه ظاهرياً ..   .. اللي امين على علاقته مع الرب .. بيحفظه الرب ..

 صورة إلوهيم .. الكتابة واضحة جداً .. و ليست إلوهيم نفسه ..  ما عرفش خلفية حضرتك ايه .. قد تكون بتمنعك عن استخدام اسماء الرب ..  لكن ده امر شخصي يخص حضرتك .. و الكتاب فيه انتساب لإسم الرب ..  "وَقَالَ اللهُ: «نَعْمَلُ الإِنْسَانَ عَلَى صُورَتِنَا كَشَبَهِنَا، فَيَتَسَلَّطُونَ عَلَى سَمَكِ الْبَحْرِ وَعَلَى طَيْرِ السَّمَاءِ وَعَلَى الْبَهَائِمِ، وَعَلَى كُلِّ الأَرْضِ، وَعَلَى جَمِيعِ الدَّبَّابَاتِ الَّتِي تَدِبُّ عَلَى الأَرْضِ»." (تك 1: 26) الانتساب للرب  ..  "وَتَمَّ الْكِتَابُ الْقَائِلُ: «فَآمَنَ إِبْرَاهِيمُ بِاللهِ فَحُسِبَ لَهُ بِرًّا» وَدُعِيَ خَلِيلَ اللهِ." (يعقوب 2: 23) "لأَنَّكُمْ جَمِيعًا أَبْنَاءُ اللهِ بِالإِيمَانِ بِالْمَسِيحِ يَسُوعَ." (غلاطية 3: 26) و انا لا اجد روابط صداقة بيننا لكني احترم الجميع ..

  يعني الرب بنفسه عنده قدرة هائلة و عجائب في اعماقه و هو بنفسه اللي بياخدنا من ضعفنا لما بنخضع امامه و بننتظره .. الى قوته و رحبه ..  و وقت ما بيعمل كدة بنميز عجائب و نعمة فائقة في كل ما يحدث معنا ..

  روح ايزابل انا بعتبره وصف روحي مش ل روح واحد .. لكن لنظام يتبعه العدو بعدد من الارواح و الاجناد .. لإعاقة فاعلية مسحة و دعوة الرب للامناء .. و اعاقة افاقة الشعب و لجوئهم لإلههم .. و التسبب في نشر ظلم و غي و جوع في الارض ليزداد رقض البشر للرب .. و يعمل على صياغة شكل عبادات متنوعة ملفتة للانتباه تحمل الهوى .. لكي يسير وراءها الشعب ..  و اعتقد ده واضح في معظم الازمنة ..

  يعني كلمة الرب و مواعيده العامة و الخاصة بتخاطب اشخاص خاضعين له و طالبين يمشوا المسار معاه مش يمشوا مسارهم في راحتهم و اعوجاجهم .. و يلوموا على الرب انه مقصر ..

 كل ما ها تعرفي الرب اكتر كل ما ها يزيد الروح القدس ايمانك و ها تقاومي و تنتصري و تسلبي عدوك .. فلما تيأسي .. اجري على كلمة الرب و اقري و صلي و اعرفيه بطرق كتير .. و قتها ها يغسلك من ألمك و ها تزداد قوته في عظامك .. 🙇🏻‍♂️

  ايوة الرب بيتعامل مع صلواتنا بأمانة و حرص شديد .. طول ما الروح غارس فينا ايمان .. ما نوقفش صلوات ..